XX. mendeko Euskararen Corpus estatistikoa
Testuingurua
Metodologia aldetik, dagoeneko aipatu dugu zelulari buruzko ideiei dagokien historiaz baliatzearekiko interesa (azido nukleikoen aurkikuntza, esaterako).
Lan praktikoen aldetik, prestakin mikroskopikoekin, mikrofotografikoekin lan egin, osakin ezberdinak antzeman, etab. egin beharko litzateke.
Biokimikan Kimikarekin batera disziplinarteko ikuspegiak erabili beharko lirateke.
- Zelula: egitura eta funtzio unitatea.
Zelulen teoria zientziaren historiari dagokion testuinguruan.
Biologia zelularraren egungo kontzeptua.
- Zelula aztertzeko metodo ezberdinak.
Eredu teorikoak eta zelularen azterketan izandako aurrerapenak.
- Antolamendu ereduak prokariota eta eukariotatan, egitura eta funtzio arteko erlazioa erakutsiz.
Animali eta landare zelula artean alderatzea.
Zelulen aniztasuna organismo berean.
- Zelularen molekula-osagaiak: motak, egitura, ezaugarriak eta betetzen duten zeregina.
Osagai horien egoera fisikorako sarrera.
- Zelularen molekulak antzematea ahalbidetzen duten zenbait ezaugarri esperimentu bidez arakatzea.
- Sistema biologiko horien konplexutasuna baloratzea.
Nukleo honen edukin biologikoek aurreko nukleoari dagozkionarekin erlazio estua dute, eta beraz, hemen aztertzen diren elkarrekintzak ez dira azaldu behar sortzen direneko egituretatik etenda.
Bi edukinek, hau da, antolamendua eta funtzioa, gaur egungo Biologia Zelularra osatzen dute.
Zelulen zikloak zelularen errealitate konplexuaren ikuspegi orokor bat eskain lezake.
Dagozkion bi fase handiak zehaz litezke eta bertan funtzio nagusiak kokatu.
Zelularen banaketa aztertzerakoan, Batxilergoko lehen kurtsoari dagokion Biologia-Geologian dagoeneko ikusitako organismoen ugalketarekin erlazionatu beharko litzateke, zentzua izan dezan.
Beste alderdi interesgarria banaketa horrek zelula bakar eta zelula anitzeko organismotan duen esanahi ezberdina da.
Azken horietan, zelulen ugaltze jarrera ezberdina aztertu beharko litzateke, dagokien eunaren arabera.
Banaketa motetatik, mitosiak du lehentasuna, eta ez da beharrezkoa izango meiosia xehetasunez deskribatzea, batez ere sexuzko ugalketan eta ezaugarrien herentzian dituen ondorioei dagokienez mitosiarekin alderatzea nahikoa izanik.
Metabolismoari dagokionez, interesgarria litzateke berorren esanahia argituko duen sarrera egitea, beharbada dagoeneko ezagunak zaizkigun organismo mailako elikapen funtzioetara joz.